संसद विघटनको मुद्दामा ओली पक्षमा बहस गर्ने नायव महान्यायाधिवक्ताको सरुवा

काठमाडौं । न्याय सेवा आयोगले नायव महान्यायधिवक्ता श्यामकुमार भट्टराईलाई सरुवा गरेर बेपत्ता छानविन आयोगमा पठाउने सिफारिस गरेको छ ।

आइतबार बसेको आयोगको बैठकले महान्यायाधिवक्ता खम्मबहादुर खातीको प्रस्तावमा महान्यायाधिवक्ताको कार्यालयबाट भट्टराईलाई बाहिर पठाउने निर्णय गरेको हो ।

यसअघि पदमप्रसाद पाण्डे र भट्टराई दुवैजनालाई हटाउने तयारी रहे पनि अन्तिममा भट्टराई सरुवामा परेका हुन् । उनले प्रतिनिधिसभा विघटनको मुद्दामा तत्कालीन प्रधानमन्त्री केपी शर्मा ओली र एमालेको बचाउमा भूमिका खेलेको भन्दै असन्तुष्टी व्यक्त भएको थियो ।

न्यायाधीश ईश्वर खतिवडाले समेत उनको भूमिकामाथि प्रश्न उठाएको स्रोतहरु बताउछन् । महान्यायाधिवक्ताले नयाँ परिस्थितिमा आफूलाई काम गर्न सहज टिम चाहिने भन्दै बेपत्ता आयोगका सचिव कृष्णजिवी घिमिरेलाई नायव महान्यायाधिवक्तामा सरुवा गराएका छन् ।