न्याय सेवाका २ सचिव, २ सहसचिवसहित ८६ जना कर्मचारीको सरुवा (सूचीसहित)

काठमाडौं । न्याय सेवा आयोगले न्याय सेवाका २ सचिव, २ सहसचिवसहित ८६ जना न्याय सेवाका कर्मचारीको सरुवा गरेको छ । न्याय सेवा आयोगका अध्यक्ष समेत रहेका प्रधानन्यायाधीश चोलेन्द्रशम्सेर जबराको अध्यक्षतामा बसेको आयोगको बैठकले उनीहरुको सरुवा गरेको हो ।

आयोगले महान्यायाधिवक्ता कार्यालयका नायव महान्यायाधिवक्ता (सचिवसरह) का श्याम भट्टराईलाई वेपत्ता पारिएका व्यक्तिको छानविन आयोगमा सरुवा गरेको छ भने आयोगमा कार्यरत सचिव कृष्णजीवि घिमिरेलाई महान्यायाधिवक्ताको कार्यालय सरुवा गरेको छ । यस्तै उच्च अदालत पाटनका रजिस्ट्रार गजेन्द्रबहादुर सिंहलाई उच्च अदालत जनकपुरको वीरगञ्ज इजलासमा सरुवा गरिएको छ भने त्यहाँ कार्यरत ठगिन्द्र कट्टेलको पाटनमा सरुवा गरिएको छ ।

अन्य न्याय सेवाकै राजपत्रांकित द्धितिय श्रेणीका १४ जना कर्मचारी र राजपत्रांकित तृतिय श्रेणीका ६८ जनाको मातहतका विभिन्न निकायमा आयोगले सरुवा गरेको हो ।