मेगा बैंकको ५ वटा शाखा थपिए
नेपाल प्रेस
२०७८ साउन ३२ गते ११:२८
काठमाडौ । मेगा बैंकले थप ५ शाखा संचालनमा ल्याएको छ । मोरङको सुन्दरहरैंचा-१० विराटचोक, उदयपुरको त्रियुगा नगरपालिका- ११ गाइघाट, रौतहटको चन्द्रपुर नगरपालिका- ४ चन्द्रपुर, चितवनको रत्ननगर नगरपालिका-६ सौराहा र कास्कीको पोखरा महानगरपालिका-६ गौरीघाटमा आइतबार शाखा विस्तार गरिएको हो ।
५ वटै शाखाहरूबाट हिजैबाट कारोबार शुरू गरिएको बैंकका प्रमुख सूचना अधिकारी तुल्सीराम पोखरेलले बताए ।
मेगा बैंकले पछिल्लो एक महिनामा १२ वटा शाखा विस्तार गरेको छ । अहिले मेगा बैंकका देशभर १९० शाखा कार्यालय छन् भने थप ४ वटा शाखा संचालनको तयारी छ ।
नेपाल प्रेस
प्रकाशित: २०७८ साउन ३२ गते ११:२८
प्रतिक्रिया
सम्बन्धित खवर
