वर्षमा तीन प्रतियोगिता गर्ने एथ्लेटिक्स परिवारको घोषणा

काठमाडौं । एथ्लेटिक्स परिवार नेपालले मंगलबार काठमाडौंमा पत्रकार सम्मेलन गर्दै वार्षिक क्यालेन्डर सार्वजानिक गरेको छ । क्यालेन्डरअुनसार एक वर्षमा तीन वटा प्रतियोगिता गर्ने परिवारको तयारी छ ।

कोभिडका कारण कुनै अवरोध नआए यस वर्ष तीन प्रतियोगिता आयोजना गर्ने संस्थाले बताएको छ । मंसिरमा युथ एथ्लेटिक्स च्याम्पियनसिप यु-१६ र यु-२० आयोजना गर्ने क्यालेन्डरमा उल्लेख छ ।

त्यस्तै, माघमा झिन्टुङ्ग क्रसकन्ट्री दौड प्रतियोगिता र फागुनमा गोल्डेन एथ्लेटिक्स मिट–२०२२ आयोजना गर्ने संस्थाले जनाएको छ । वार्षिक क्यालेन्डरमा उल्लेखित प्रतियोगिता सञ्चालनका लागि ४५ लाख बजेट आवश्यक पर्ने परिवारको अनुमान छ ।

९ सदस्यीय एथलेटिक्स परिवार नेपाल जिल्ला प्रशासन कार्यालयमा दर्ता गरिएकोसमेत जानकारी दिइएको छ । अध्यक्षमा राजन खत्री, उपाध्यक्ष दिपक कुमार रन्जित, सचिव मन्जु श्रेष्ठ, कोषाध्यक्ष सुष्मा पाण्डे, र सदस्यहरू राजकुमारी पाण्डे, सिताराम महतो, सुन्दर केशर कार्की, बुलाल महर्जन र आसराम गोठे छन् ।