प्रधानमन्त्रीसँग सहमतिपछि डा. केसीको घोषित अनसन स्थगित

काठमाडौं । प्रधानमन्त्री शेरबहादुर देउवा र डा. गोविन्द केसीबीच भएको वार्तामा सहमति भएको छ । सहमतिपछि डा. केसीले आफ्नो घोषित अनसन स्थगित गरेका छन् ।

स्वास्थ्य राज्यमन्त्री उमेश श्रेष्ठलाई पदमुक्त गर्नुपर्ने लगायतका माग राखेर डा. केसीले सत्याग्रहको घोषणा गरेका थिए ।

देउवाले नियुक्त गर्दा हुने स्वार्थको द्वन्द्व रोक्न कानुनी व्यवस्था गर्ने, स्वास्थ्य राज्यमन्त्रीको राजीनामाको विषयलाई उपयुक्त समयमा सम्बोधन गर्ने प्रतिवद्धता जनाएपछि सहमति भएको हो।

त्यस्तै बीपी कोइराला स्वास्थ्य विज्ञान प्रतिष्ठानबारे भएको सम्झौता कार्यान्वयन गर्न तथा वैकुण्ठ अर्याल कार्यदलको प्रतिवेदन कार्यान्वयनका लागि तत्काल सिनेट बैठक बोलाउने, पदाधिकारी नियुक्तिको मापदण्ड निर्धारण गर्न बनेका कार्यदलको प्रतिवेदनलाई कानुनी रुप दिने सहमति भएको छ।