विभाजनतर्फ बढेका पाइलाहरू, एमालेका नाममा माधव समूहको निर्णायक बैठक (तस्बिरहरू)

काठमाडौं । नेकपा एमालेका वरिष्ठ नेता माधवकुमार नेपाल समूहले नयाँ दल दर्ता लागि सबै तयारी पूरा गरेको छ । त्यसअघि नेपाल समूह बानेश्वरस्थित अर्याल होटेलमा निर्णायक बैठकका लागि भेला भएका छन् ।

राष्ट्रपति कार्यालयबाट अध्यादेश जारी भइ निर्वाचन आयोगमा नयाँ दल दर्ता हुनुअगावै कुनै ‘सरप्राइज सहमति’ नभए एमालेका नाममा यो उनीहरूको अन्तिम बैठक हुनेछ । बैठकमा पार्टी विभाजनका लागि तयार भएका केन्द्रीय सदस्य र सांसदहरूको सहभागिता छ।

नयाँ दल दर्ताका लागि सबै तयार पूरा भइसकेको र अध्यादेश जारी हुनेबित्तिकै निर्वाचन आयोगमा जाने केन्द्रीय सदस्य मेटमणि चौधरीले जानकारी दिएका छन् । नयाँ दलका लागि पार्टीको नामको वैकल्पिक सूची तयार गर्नेदेखि विधान निर्माणसम्मका सबै काम सकिसकिएको छ ।

नयाँ पार्टीको नामका लागि नेकपा एमाले (समाजवादी), नेकपा एमाले (जनवादी), नेकपा (एकीकृत) सहितका विकल्प तयार छन् ।