अर्थमन्त्रालयमा सहसचिव हेरफेर, कसलाई कहाँ पठाइयो ? (सूचीसहित)

काठमाडौं । अर्थमन्त्री जनार्दन शर्माले मन्त्रालयका सहसचिवको जिम्मेवारी हेरफेर गरेका छन् । शर्माले आन्तरिक राजस्व विभागका महानिर्देशक रहेका झक्कप्रसाद आचार्य र भन्सार विभागका महानिर्देशक रहेका यामलाल भुसाललाई अर्थमन्त्राल तानेका छन् । उनीहरूको स्थानमा सहसचिव शोभाकान्त पौडेलले आन्तरिक राजस्व विभागको महानिर्देशकको जिम्मेवारी पाएका छन् ।

आचार्य र भुसाल दुवैलाई पूर्वअर्थमन्त्री विष्णु पौडेलले अर्थमन्त्रालयको दुई महत्वपूर्ण विभागको जिम्मेवारी दिएका थिए । त्यसैगरी भन्सार विभागको प्रमुख जिम्मेवारी नारायण सापकोटले पाएका छन् । सापकोटा यसअघि अख्तियार दुरुपयोग अनुसन्धान आयोगमा थिए ।

बजेट तथा कार्यक्रम महाशाखा प्रमुखको जिम्मेवारी समेत हेरफेर भएको छ । यस महाशाखको जिम्मेवारी लगानी बोर्डका प्रशासन महाशाखा प्रमुखको जिम्मेवारीमा रहेका र बोर्डका प्रवक्ताको जिम्मेवारी समेत सम्हालिरहेका सहसचिव भुपाल बराललाई दिइएको छ । यसअघिका सुमन दाहाललाई आर्थिक नीति विश्लेषण महाशाखामा पठाइएको छ ।

सहसचिव धनीराम शर्मा अन्तर्राष्ट्रिय वित्तीय सहायता समन्वय महाशाखामा तानिएपछि उनको स्थानमा दाहालले बजेट महाशाखा सम्हालेका थिए । उनलाई डा. युवराज खतिवडा अर्थमन्त्री हुँदा भन्सार विभागको प्रमुखको जिम्मेवारी दिइएको थियो ।