कोभिड–१९ युनिफाइड केन्द्रीय अस्पताल वीरको उपनिर्देशकमा डा. कार्की र डा. श्रेष्ठ नियुक्त

काठमाडौं । कोभिड–१९ युनिफाइड केन्द्रीय अस्पताल वीरको उपनिर्देशकमा डा.अनुपमा कार्की र डा. प्रज्वल श्रेष्ठ नियुक्त भएका छन् । प्रमुख प्रशासकीय अधिकारी डा. भूपेन्द्र बस्नेतले छाला रोग विभागका प्रमुख कार्की र क्रिटिकल केयर विशेषज्ञ डा. श्रेष्ठलाई नियुक्त गरेका हुन् । डा. अशेष ढुंगाना र डा. नविन पोखरेलको ठाउँमा उनीहरुलाई नियुक्त गरिएको डा. बस्नेतले नेपाल प्रेसलाई जानकारी दिए ।

अस्पतालमा ठूलो संख्यामा कोभिड र ननकोभिडका बिरामीको उपचार गर्नुपर्ने भएकाले सहज र स्तरीय सेवा दिनका लागि कार्की र श्रेष्ठलाई उपनिर्देशकमा नियुक्त गरिएको बस्नेतले बताए । ुडा. बस्नेतका अनुसार डा. कार्कीलाई ननकोभिड तर्फ र डा. श्रेष्ठलाई कोभिड तर्फको जिम्मेवारी दिइएको छ ।

कोभिड–१९ संकट व्यवस्थापन अध्यादेश–२०७८ अनुसार सरकारले वीर अस्पताललाई कोभिड–१९ युनिफाइड केन्द्रीय अस्पताल बनाइसकेको छ ।