आइतबार १९ सय संक्रमित थपिए, २४ जनको मृत्यु

काठमाडौं । पछिल्लो २४ घण्टामा मुलुकभर १९सय २० जना कोरोनाभाइरस संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार १२ हजार ५१६ जनाको नमुना (पीसीआर ९४४३ र एन्टीजेन ३०७३) परीक्षण गर्दा संक्रमण पुष्टि भएको हो ।

आइतबार २४ जना कोरोना संक्रमितको मृत्यु भएको छ भने २२ सय ४८ जना संक्रमणमुक्त भएका छन् ।

हालसम्म मुलुकमा ३८ हजार ७५१ जना सक्रिय संक्रमित रहेको मन्त्रालयले जनाएको छ ।

गत २४ घण्टामा १ लाख ८३ हजार ३२२ जनाले कोरोनाभाइरस विरुद्धको खोप लगाएका छन् ।

हालसम्म मुलुकमा ७ लाख भन्दा बढीमा कोरोनाभाइरस पुष्टि भएको छ भने १०,५०९ जनाले ज्यान गुमाइसकेको तथ्यांमा उल्लेख छ ।