चौथाइवाले भेटघाटमा व्यस्त, महन्थसँग छलफल सकियो

काठमाडौं । नेपाल भ्रमणमा रहेका भारतीय जनता पार्टीका विदेश विभाग प्रमुख विजय चौथाइवालेले प्रस्तावित लोकतान्त्रिक समाजवादी पार्टी (लोसपा) का अध्यक्ष महन्थ ठाकुसँग भेटघाट गरेका छन् ।

भेटमा नेपालको पछिल्लो राजनीतिक अवस्था र ठाकुरको नेतृत्वमा नयाँ पार्टी निर्माणको परिस्थितबारे छलफल भएको बताइन्छ । भारतीय जनता पार्टी र नेपालका राजनीतिक दलहरूबीचको सम्बन्ध सुमधुर बनाउने भन्दै चौथाइवाले नेपाल भ्रमणमा आएका हुन् ।

नेपाली कांग्रेसको मुख्य निमन्त्रणामा नेपाल आएपनि उनले सबै दलका नेतासँग भेट गरिरहेका छन् । हिजो प्रधानमन्त्री एवं काग्रेस सभापति शेरबहादुर देउवासँग भेटेका उनल आज विहान एमाले अध्यक्ष केपी शर्मा ओलीसँग भेटेका थिए ।

चौथाइवालेले आजै नेकपा माओवादी केन्द्रका अध्यक्ष पुष्पकमल दाहालसँग भेटघाट गर्ने जनाइएको छ ।