एएफसी महिला एसियन कप छनोट टोलीमा ७ नयाँ अनुहार

काठमाडौं । एएफसी महिला एसियन कप २०२२ छनोटको तयारीमा रहेको नेपाली टोलीमा ६ जना नयाँ खेलाडीले स्थान बनाएका छन् ।

मुख्य प्रशिक्षक ग्यारी फिलिप्सले मंगलबार सार्वजनिक गरेको २३ सदस्यी टोलीमा गत वर्ष फागुनमा भएको राष्ट्रिय महिला लिगमा उत्कृष्ट प्रदर्शन गरेका खेलाडीहरू विमला विक, प्रीती राई, सविता राना, रश्मी घिसिङ, रजनी थोकर, निषा थोकर र सृजना सिंह समेटिएका छन् ।

एएफसी महिला एसियन कप छनोटका लागि २३ खेलाडी सार्वजनिक (सूचीसहित)

अमिशा कार्की, हिमा चौधरी, मनिषा राउत र शर्मिला थापा अन्तिम २३ सदस्सीय टोलीमा परेनन् । नेपाली टोलीले छनोटको पहिलो खेल सेप्टेम्बर १८ मा फिलपिन्ससँग खेल्ने छ । यस्तै दोस्रो खेल हङकङसँग सेप्टेम्बर २१ मा खेल्नेछ । नेपाली सर्वकालिन सर्वाधिक गोलकर्ता सावित्रा भण्डारी भने टोलीमा हुने छैनन् । उनी अहिले खुट्टामा लागेको चोटको उपचारका लागि कतारमा छिन् ।

गोलकिपर्स: अन्जना राना मगर, एन्जिला तुमबापो सुब्बा, उषा नाथ

डिफेन्डर्स: अमृता जैसी, विमला बिक, गिता राई, हिरा कुमारी भुजेल, निशा थोकर, पुजा राना, पुनम जर्घा मगर, सृजना सिंह,

मिडफिल्डर्स: अनिता बस्नेत, दिपा राई, मन्जली कुमारी योञ्जन, प्रिती राई, रजनी थोकर, रेनुका नगरकोटी, सविता राना

स्ट्राइकर्स: अनिता केसी, बिमला चौधरी, इन्दिरा राई, रश्मि घिरिङ, सरु लिम्बु