रोनाल्डो युभेन्टसबाट सिटी जाने लगभग निश्चित

काठमाडौं । पोर्चुगिज कप्तान तथा युभेन्टसका सुपर स्टार फरवार्ड क्रिस्टियानो रोनाल्डोले युभेन्टस छाड्ने लगभग निश्चित भएको छ । युभेन्टसका ३६ वर्षीय फरवार्ड रोनाल्डो शुक्रबार भएको युभेन्टसको ट्रेनिङमा ४० मिनेटमात्रै सहभागी भएर निस्किएका छन् ।

उनी आफ्ना टिममेटहरूसँग बिदा हुन मात्रै त्यहाँ पुगेको र केही घण्टामै क्बल छाड्न चाहिरहेका छन् । रोनाल्डो आज ट्रेनिङ नगर्ने र एजेन्ट जर्ज मेन्डीले म्यानचेस्टर सिटीसँग आधिकारिक सम्झौता गर्ने पर्खिरहेको बताएका छन् ।

इङ्लिस च्याम्पियन म्यानचेस्टर सिटीले मात्रै रोनाल्डोलाई भित्र्याउने इच्छा देखाइरहेको छ । करिब-करिब रोनाल्डो २००९ पछि पुन: इङ्लिस फुटबलमा फर्किने निश्चित भइसकेको छ ।

पाँच पटकका बालोन डी’अर विजेता रोनाल्डो सन् २००९ मा म्यानचेस्टर युनाइेडबाट स्पेनिस क्लब रियाल मड्रिड गएका थिए । सन् २००३ देखि युनाइटेडमा खेलेका रोनाल्डोलाई तत्कालीन समयको कीर्तिमानी ८० मिलियन पाउन्डमा रियाल मड्रिडले किनेको थियो ।

Cristiano Ronaldo has left Juventus training center after 40 minutes to say goodbye to his teammates. He only wants to leave the club in the next hours. 🇵🇹🚫 #Ronaldo

NO training today. Ronaldo is waiting for Mendes to bring the official bid as it’s still verbal with Man City.

— Fabrizio Romano (@FabrizioRomano) August 27, 2021

त्यसपछि ९ वर्षको रियाल बसाई टुङ्ग्याएर उनी इटालियन साइड युभेन्टसमा अनुबन्ध भएका थिए । उनलाई क्लबमा भित्र्याउन युभेन्टसले २०१८ मा १०० मिलियन पाउन्ड खर्चेको थियो ।

अहिले पनि रोनाल्डोका एजेन्ड मेन्डिज र म्यानचेस्टर सिटीबीच उनको तलबबारे छलफल भइरहेको बताइएको छ ।