नेपालीले संचालन गरेको रेष्टुरेन्ट र खाना विश्वकै १४ औं उत्कृष्ट  सूचीमा समावेश

लिस्बन । नेपाली व्यवसायी ध्रुव सुवेदीले युरोपेली मुलुक पोर्चुगलमा संचालन गरेको रेष्टुरेन्ट र त्यहाँ उपलब्ध परम्परागत खाना संसारकै उत्कृष्ट १४ औं स्थानमा सूचीकृत भएको छ । सुवेदीको रेष्टुरेन्ट उमा मेरिस्क्वियरामा उपलब्ध परम्परागत खाना अरुज डे मारिस्को संसारकै उत्कृष्टको सूचीमा समावेश भएको हो ।

विश्वका परम्परागत खाना र त्यहाँ उपलब्ध हुने परिकारबारे विशेषज्ञहरुले रेटिङ गर्ने प्रतिष्ठित वेबसाइट टेस्टएट्लसले सुवेदीको रेष्टुरेन्ट र खानालाई सूचीमा समावेश गरेको हो । सुवेदीले अन्य युरोपेली मुलुकमा पनि यो रेष्टुरेन्टको फ्रेन्चाइज संचालनमा ल्याएका छन् । उक्त खाना र रेष्टुरेन्ट पोर्चुगलमै उत्कृष्ट , युरोपमा चौंथो अनि बिश्वकै उत्कृष्ट सिफुडमा पर्न सफल भएको छ ।

पोर्चुगलको राजधानी लिस्बन र विसेयु, स्पेनको सेभिल्ला तथा बेल्जियम र मकाउमा आउटलेट संचालनमा आएको छ । सर्वोत्कृष्ट सूचीमा समावेश भएसँगै सुवेदीले संसारका खाना पारखीमाझ चर्चा बटुलेका छन् । टेस्टएट्लसमा बिश्वभरका ९२०० परम्परागत खाना , १७ हजार परम्परागत रेस्टुरेन्ट र ४८ हजार खाना विशेषज्ञ आबद्द छन । वर्षेनी उनीहरुले संसारकै सर्वोत्कृष्ट परम्परागत खाना र रेस्टुरेन्ट छान्ने गर्छन ।