एप्पलले आइफोन १२ र १२ प्रोको साउन्डमा आएको समस्या नि:शुल्क समाधान गरिदिने

काठमाडौं । आइफोन १२ सिरिजमा देखिइरहको साउन्डको समस्या एप्पलले नि:शुल्क समाधान गरिदिने भएको छ । कम्पनीले एउटा नयाँ पेजमा नि:शुल्क समाधान गरिदिने विज्ञापन गरेको छ ।

विशेष गरी २०२० अक्टोबरदेखि २०२१ अप्रिलसम्म म्यानुफ्याक्चर भएका आइफोन १२ र १२ प्रोमा न्यून स‌ंख्यामा त्यो समस्या देखिएको छ । र, ती मोडेलहरूमा देखिएको समस्या कम्पनीले नि:शुल्क समाधान गरिदिने बताएको छ ।

त्यसका लागि प्रयोगकर्ताले नजिकका एप्पल स्टोर, आधिकारिक सर्भिस प्रोभाइडरमार्फत वा कार्गोमार्फत फोन पठाएर पनि यसको सुविधा लिन सक्नेछन् ।

यद्यपि, आइफोन १२ म्याक्स र आइफोन मिनी मोडेलमा भने यो सुविधा उपलब्ध हुने छैन । त्यस्तै, पानीमा डुबेर-भुईँमा खसेर वा अन्य कुनै कारणले त्यो समस्या देखिएको भए त्यसका लागि भने नि:शुल्क सुविधा उपलब्ध नहुने बताएको छ ।