मण्डलामा फर्कियो ‘युद्धको घाउ’, सशष्त्र द्वन्द्वमाथि भर्चुअल नाटक (तस्विरहरु)

काठमाडौं । दशवर्षे सशष्त्र द्वन्द्वका क्रममा भएका बेपत्ता, हत्या, विस्थापित, यातना, अपांगता, यौन हिंसाको घटनालाई स्मरण गर्दै सोमबार मण्डला थिएटरमा ‘युद्धका घाउहरु’ नाटक मञ्चन गरिएको छ ।

मण्डला थिएटर र जर्मनी दूतावास मिलेर गरिएको मञ्चनलाई युट्युव, फेसबुकमार्फत भर्चुअल प्रस्तुत गरिएको थियो । मण्डला नाटक स्कुलको पहिलो वर्षका विद्यार्थी मिलेर नाटक प्रसतुत गरेका हुन् ।

नाटकले धादिङको जोगिमारा गाउँका १७ जना व्यक्तिको कालिकोटमा विमानस्थल निर्माण गर्दैगर्दा तत्कालिन शाही नेपाली सेनाले हत्या गरेको थियो विषयलाई चित्रण गरेको छ ।

जीविकोपार्जन गर्ने घरकै सदस्य राज्यबाट अनाहकमा मारिएपछि गाउँको एउटा गरिब परिवारले भोगेको भोगाइलाई नाटकमा समेट्ने प्रयास गरिएको छ ।

सरिता कठायतको लेखन, आकाश नेपालीको निर्देशन, हाङ्गा ओ हाङ्ग राईको मंच परिकल्पना र दिक्षा चौधरीको प्रकाश परिकल्पना रहेको नाटकको नेपाली शीर्षक जिउँदा लास र अंग्रेजी नाम युद्धका घाउ राखिएको छ ।