रोनाल्डोको पुनरागमन: युनाइटेडबाट उनले के-के जितेका छन् ?

काठमाडौं । पाँच पटकका बालोन डीअर विजेता पोर्चुगिज कप्तान क्रिस्टियानो रोनाल्डो १२ वर्षपछि इङ्लिस क्लब म्यान्चेस्टर युनाइटेड फर्किएका छन् ।

पोर्चुगिज क्ल्ब स्पोर्टिङ् क्लबबाट सन् २००२ मा फुटबल करिअरको सुरुवात गरेका रोनाल्डो सन् २००३ मा सेन्सेसनल यङ्ग ट्यालेन्टको रूपमा युनाइटेडमा आबद्ध भएका थिए । उनले ‘रेड डेभिल्स’का लागि २ सय ९२ खेलमा खेल्दै १ सय १८ गोल गरेका थिए ।

सन् २००९ मा स्पेनिस क्लब रियल मड्रिड जानुअघि रोनाल्डो सर एलेक्स फर्गुसनको मार्गदर्शनमा विश्वको एक उत्कृष्ट फुटबलरको रूपमा विकसित भइसकेका थिए ।

मड्रिडमा ९ वर्ष बिताएर उनी इटालियन क्लब युभेन्टस गएका थिए । रोनाल्डोले ९ सिजन खेल्दा मड्रिडमा चार पटक च्यापियन्स लिगको उपाधि जिताउन उत्कृष्ट प्रदर्शन गरेका थिए । मड्रिडमा ९ सिजन खेलेपछि उनले युभेन्टसमा तीन सिजन बिताए । र, अहिले युनाइटेडसँग आबद्ध भएको छन् ।

एन्थोनी मार्सियल, मार्कस रासफोर्ड, म्यासन ग्रिनउड, जार्डोन सान्चो, ड्यानियल जेम्स, इडिसन कभानी जस्ता फाएर पावर खेलाडी क्लबमा भए पनि रोनाल्डो युनाइटेड फर्किएपछि क्लबको अट्याकिङ् अझै प्रभावकारी हुने अनुमान गरिएको छ ।

रोनाल्डोले म्यान्चेस्टर युनाइटेडबाट कुन-कुन उपाधि जितेका छन् ?

उनले आफ्नो पहिलो कार्यकाल सन् २००३ देखि २००९ सम्म ९ वटा उपाधि जितेका छन् । युनाइटेडले तीन पटक प्रिमियर लिग र एक पटक च्यापियन्स लिग जित्दा रोनाल्डो टोलीको महत्वपूर्ण सदस्य थिए ।

रोनाल्डोको आगमनले सन् २०१३ देखि प्रियिमर लिगको उपाधिका लागि भोको युनाइटेडलाई इङ्लिस च्याम्पियन बनाउने प्रशिक्षक ओले गनर सोल्सायरले आशा गरेका छन् ।

रोनाल्डोले म्यान्चेस्टर युनाइटेडमा जितेका व्यक्तिगत उपाधिहरू