गाभीले नेपाललाई एक लाख डोज फाइजर खोप उपलब्ध गराउने

काठमाडौं । खोपको अन्तर्राष्ट्रिय वितरक एलायन्स फर गाभीले एक लाख डोज फाइजर खोप अक्टोबरमा नेपाललाई उपलब्ध गराउने भएको छ । उक्त खोप नेपालमा ट्रायलको लागि पठाउन लागिएको परिवार कल्याण महाशाखाले जनाएको छ ।

महाशाखाका प्रमुख डा. तारानाथ पोखरेलका अनुसार उक्त खोप भण्डारणको लागि आवश्यक कोल्ड चेन कमी भएकाले यूनिसेफले रेफ्रिजेटर उपलब्ध गराउने भएको छ ।

उनका अनुसार, ‘फाइजर खोप अरु खोपभन्दा फरक भएकाले उक्त खोप लगाउनका लागि स्वास्थ्यकर्मीलाई तालिम दिनुपर्ने हुन्छ । ‘फाइजर हाम्रो लागि नयाँ भयो। त्यसको सबै तयारी अलग्गै गर्नुपर्छ।’

१८ वर्ष भन्दामुनिका बालबालिकालाई ६० लाख डोज फाइजर र ४० लाख मोर्डना खोप खरीद गर्न लागेको स्वास्थ्य मन्त्रालयले जनाएको छ।