प्रभुरामले प्रधानसेनापतिको नियुक्ति पत्र बुझे
नेपाल प्रेस
२०७८ भदौ १६ गते १३:५१
काठमाडौं । नेपाली सेनाका कायममुकायम रथी प्रभुराम शर्माले प्रधानसेनापतिको नियुक्ति पत्र बुझेका छन् ।
रक्षा मन्त्रालयमा आयोजित एक कार्यक्रमका बीच रक्षासचिव बेगेन्द्रराज शर्मा पौड्यालले शर्मालाई नियुक्ति पत्र प्रदान गरे । मन्त्रिपरिषद्को सिफारिसमा राष्ट्रपति विद्यादेवी भण्डारीले भदौ २४ बाट लागू हुने गरी शर्मालाई सेनापतिमा नियुक्त गरेकी थिइन् ।
नियुक्ति पत्र दिँदै रक्षासचिव पौड्यालले शर्मालाई बधाई तथा सफल कार्यकालको शुभकामना व्यक्त गरे ।
अहिलेका सेनापति पूर्णचन्द्र थापाले भदौ २५ गते अवकाश पाउँदैछन् । अवकाशको एक महिनाअघि बिदा बस्ने प्रचलनअनुसार थापा हाल बिदामा छन् ।
नेपाल प्रेस
प्रकाशित: २०७८ भदौ १६ गते १३:५१
प्रतिक्रिया
सम्बन्धित खवर
