प्रदेश २ का दुई सांसदले छाडे माधव नेपालको साथ, एमालेमै रहने
२०७८ भदौ १७ गते १६:३६
जनकपुरधाम । प्रदेश २ का सांसद सुन्दरबहादुर विश्वकर्मा र सीता गुरुङले माधव नेपालको साथ छाडेका छन् ।
पर्साको वीरगञ्जमा आज भएको नेकपा एमालेको प्रदेश कमिटी बैठकमा विश्वकर्मा र गुरुङ सहभागी भएका छन् ।
एमालेका नेता एवं सांसद सत्यनारायण मण्डलले भने, ‘कमरेड सुन्दर बहादुर विश्वकर्मा र सीता गुरुङ हामीसँगै छन् ।’
एमालेका २१ सांसदमध्ये ११ सांसदले आज प्रदेश निर्वाचन कार्यालय जनकपुरधाम पुगेर नेकपा एकिकृत समाजवादीको पक्षमा सनाखत गरेका छन् ।
सनाखत गर्ने क्रममा सांसद शत्रुधन महतोले विश्वकर्मा र गुरुङ काठमाडौंमा रहेको बताएका थिए ।
सांसद विश्वकर्माको मोबाइल अफ छ भने सांसद गुरुङले फोन रिसिभ गरेकी छैनन् ।
प्रकाशित: २०७८ भदौ १७ गते १६:३६
प्रतिक्रिया
सम्बन्धित खवर
