प्रदेश २ मा एकीकृत समाजवादीका सांसद १३ पुगे, विश्वकर्मा र गुरुङ पनि गरे सनाखत
नेपाल प्रेस
२०७८ भदौ २० गते १२:४६
जनकपुरधाम । नेकपा एमालेका सांसदद्वय सुन्दरबहादुर विश्वकर्मा र सीता गुरुङले पनि माधव नेपाल नेतृत्वको नेकपा एकीकृत समाजवादी रोजेका छन् ।
दुवै सांसदले आज जनकपुरस्थित प्रदेश निर्वाचन कार्यालय पुगेर एकीकृत समाजवादीको पक्षमा सनाखत गरेका हुन् । उनीहरुलाई सांसद शत्रुधन महतोले निर्वाचन कार्यालय लगेका थिए ।
प्रदेश २ मा एमालेका २१ सांसद थिए । जसमध्ये ११ जनाले शुक्रबार नै एकीकृत समाजवादीको पक्षमा सनाखत गरिसकेका छन्।
यस प्रदेशमा एमालेका ८ सांसद बाँकी छन् ।
नेपाल प्रेस
प्रकाशित: २०७८ भदौ २० गते १२:४६
प्रतिक्रिया
सम्बन्धित खवर
