हंसपुरका मेयर र उपमेयर पनि लोसपामा, तीनमध्ये दुई वडाध्यक्षले छाडे जसपा

जनकपुरधाम । धनुषाको हंसपुर नगरपालिकाका मेयर रामज्ञान मण्डल र उपमेयर रेणु झाले पनि लोकतान्त्रिक समाजवादी पार्टी (लोसपा) रोजेका छन् ।

जनकपुरस्थित प्रदेश निर्वाचन कार्यालय पुगेर मेयर मण्डल र उपमेयर झाले लोसपाको पक्षमा सनाखत गरेका हुन् । उनी दुवै जना तत्कालीन राजपाबाट निर्वाचित भएका थिए ।

तत्कालीन राजपाबाट हंसपुरमा निर्वाचित तीन वडाध्यक्षमध्ये नरेश मण्डल र उदय कुमार साहले पनि लोसपा रोजेका छन् । यस्तै एक दर्जन वडा सदस्यले पनि लोसपा रोजेको मेयर मण्डलले जानकारी दिए ।

हंसपुरमा तत्कालीन राजपाबाट निर्वाचित अधिकांश जनप्रतिनिधिले लोसपा रोजेको र बांकी जनप्रतिनिधि पनि लोसपा नै रोज्ने उनको दावी छ ।