नेपालविरुद्ध पिएनजीको १०० रन पूरा, नेपाललाई ७ विकेट

काठमाडौं । नेपालविरुद्ध टस जितेर ब्याटिङ रोजेको पपुवा न्युगिनी (पिएनजी)ले एकदिवसीय अन्तर्राष्ट्रिय क्रिकेटमा १०० रन पूरा गरेको छ । ओमानको अल अमेरत क्रिकेट मैदानमा जारी खेलमा नेपालको कसिलो बलिङसामु संघर्षरत पिएनजीले ७ विकेट गुमाएर १०० रन पूरा गरेको हो ।

२५औं ओभरको पाँचौं बलमा गाउडी टोकाले १ रन जोड्दै पिएनजीको १०० रन पूरा गरेका हुन् ।

पिएनजीका लागि ओपनर लेगा सियाकाले ३८ बलमा १ चौका र १ छक्कासहित सर्वाधिक ३० रन बनाएर पेभेलियन फर्किँदा चार्ल्स अमिनीले २३ तथा किल्पिन डोरिगाले १५ रन जोडे ।

नेपालका लागि स्टार स्पीनर सन्दीप लामिछानेले सर्वाधिक तीन तथा कुशल मल्ल र डेब्यूट्यान्ट विक्रम शोबले २/२ विकेट लिएका छन् ।