नेपालले तेस्रो विकेट गुमायो, ६ रन बनाएर कप्तान मल्ल आउट
नेपाल प्रेस
२०७८ भदौ २२ गते १५:३०
फाइल फोटो ।
काठमाडौं । कप्तान ज्ञानेन्द्र मल्ल ६ रन बनाएर पेभेलियन फर्केसँगै पपुवा न्युगिनीविरुद्ध जारी एकदिवसीय अन्तर्राष्ट्रिय क्रिकेटमा १३५ रनको लक्ष्य पछ्याएको नेपालको तीन विकेट झरेको छ ।
अल अमेरत क्रिकेट मैदानमा नेपालका लागि २० बलको सामना गरेका कप्तान मल्ल मात्रै ६ रन बनाएर डामिनियन राभुको बलमा विकेटकिपर किप्लिन डोरिगाको हातबाट क्याच आउट भए ।
यसअघि ओपनरद्वय कुशल भुर्तेल १५ तथा आशिफ शेख ३० रन बनाएर आउट भएका थिए । १८.३ ओभर सकिँदा नेपाल ६१/३ को अवस्थामा ब्याटिङ गरिरहेको छ ।
पछिल्लो १८ बलमा पिएनजीले ८ रन मात्र दिएर १ विकेट लिएको छ ।
कप्तान ज्ञानेन्द्र आउट भएसँगै शरद भेसावकर क्रिजमा उत्रिएका छन् । उनीसँगै आरिफ शेख पनि नेपालको इनिङ सम्हाल्ने प्रयत्नमा छन् ।
नेपाल प्रेस
प्रकाशित: २०७८ भदौ २२ गते १५:३०
प्रतिक्रिया
सम्बन्धित खवर
