पिएनजीविरुद्ध १३५ रनको लक्ष्य पछ्याइरहेको नेपालले चौथो विकेट गुमायो

काठमाडौं । आरिफ शेख ९ रन बनाएर आउट भएसँगै पपुवा न्युगिनीविरुद्ध १ सय ३५ रनको लक्ष्य पछ्याइरहेको नेपालले चौथो विकेट गुमाएको छ ।

अल अमेरत क्रिकेट मैदानमा नेपालका लागि १९ बल सामना गरेका आरिफले १ छक्का प्रहार गरेका थिए । २० औं ओभरको चौथो बलमा आरिफ चाड सोपरको बलमा एलबी डब्लु आउट भए ।

यसअघि कप्तान ज्ञानेन्द्र मल्ल ६ रन बनाएर पेभेलियन फर्केका थिए ।

नेपालका लागि २० बलको सामना गरेका कप्तान मल्ल मात्रै ६ रन बनाएर डामिनियन राभुको बलमा विकेटकिपर किप्लिन डोरिगाको हातबाट क्याच आउट भए ।

यसअघि ओपनरद्वय कुशल भुर्तेल १५ तथा आशिफ शेख ३० रन बनाएर आउट भएका थिए । २२.१ ओभर सकिँदा नेपाल ६९/४ को अवस्थामा ब्याटिङ गरिरहेको छ ।

कप्तान ज्ञानेन्द्र आउट भएसँगै शरद भेसावकर क्रिजमा उत्रिएका थिए । आरिफ आउट भएसँगै रोहित पौडेल क्रिजमा उत्रिएका छन् ।

नेपाललाई अब जितका लागि २७ ओभरमा ६५ रन आवश्यक छ ।