मंगलबार १६ सय कोभिड बिरामी थपिए, २१ जनाको मृत्यु

काठमाडौं । पछिल्लो २४ घण्टामा मुलुकमा मंगलबार १६ सय ७७ जना कोरोनाभाइरस संक्रमित थपिएका छन् । १५ हजार ३४ वटा नमूना (पीसीआर ११,१११ र एन्टीजेन ३,९२३) परीक्षण गर्दा संक्रमण पुष्टि भएको हो ।

स्वास्थ्य तथा जनसंख्या मन्त्रालयका अनुसार सोही अवधिमा २१ जनाको मृत्यु भएको छ भने २ हजार ७२ जना डिस्चार्ज भएका छन् ।
गत २४ घण्टामा ८० हजार ४०० जनाले कोभिड–१९ विरुद्धको खोप लगाएका छन् ।

हालसम्म मुलुकमा ३० हजार ३०३ जना सक्रिय संक्रमित रहेको मन्त्रालयले जनाएको छ । नेपालमा कूल ७ लाख भन्दा बढी कोरोनाभाइरस संक्रमित छन् भने १० हजार ८७९ जनाले ज्यान गुमाएका छन् ।

अहिलेसम्म आईसीयूमा ५१४ जना, भेन्टिलेटरमा १५४ जना, होम आइसोलेशनमा २८,३१४ जना, संस्थागत आइसोलेशनमा १,९८९ र क्वारेन्टाइनमा २५८ जना रहेको तथ्यांकमा उल्लेख छ ।

मन्त्रालयको अनुसार नेपालमा कोरोनाभाइरसको संक्रमणदर ११.१ प्रतिशत छ भने मृत्युदर १.५ प्रतिशत छ ।