चीनले तालिबान सरकारसँग सम्बन्ध कायमै राख्ने

बेइजिङ । चीनले तालिबानद्वारा गठित अफगानिस्तानको नयाँ सरकारका नेताहरुसँग सम्पर्क स्थापित गर्ने जनाएको छ । मंगलबार बेइजिङमा आयोजित पत्रकार सम्मेलनमा चिनियाँ विदेश मन्त्रालयका प्रवक्ताले अफगानिस्तानको पुननिर्माणका लागि यो जरुरी कदम रहेको बताए ।

चीनले के तालिबान सरकारलाई वैधता दिन्छ वा दिँदैन भन्नेबारे संचारकर्मीले प्रवक्ता वाङ वेनविनलाई प्रश्न सोधेका थिए । तालिबानले मंगलबार अमेरिका लगायतका मुलुकले प्रतिबन्धको सूचीमा राखेका अनुहारलाई समेटेर मन्त्रिपरिषद् घोषणा गरेको थियो ।

चीनले अफगानिस्तानको सार्वभौमसत्ता, स्वतन्त्रता र सीमाको सम्मान गर्ने समेत उनले बताए । अगस्ट १५ मा तालिबानले काबुल नियन्त्रणमा लिएपछि चीनले खुला र समावेशी सरकार गठन गर्न तालिबानलाई आग्रह गरेको थियो ।