भारत लैजाँदै गरेका अस्ट्रिजका बच्चासहित पक्राउ

रूपन्देही । रुपन्देही प्रहरीले नेपालबाट भारततर्फ अबैध रुपमा लैजाँदै गरेको १४ लाख ९० हजार मूल्य बराबरको अस्ट्रिजका बच्चासहित तस्करीका लागि प्रयाेग गरिएको पिकअप गाडी नियन्त्रणमा लिएको छ ।

जिल्ला प्रहरी कार्यालय मातहत रहेको ईलाका प्रहरी कार्यालय धकधई र प्रहरी चौकी मैनिहवाबाट खटिएको संयूक्त प्रहरी टोलीले बुधवार राति रोहिणी गाउँपालिका वडा नं. २ मैनिहवामा ती बच्चासहित गाडी नियन्त्रणमा लिएको प्रहरी प्रबक्ता प्रहरी नायव उपरिक्षक सत्यनारायण थापाले जनाएका छन् ।

प्रहरी लु ३ च १९१३ नम्बरको पिकअपमा नेपालबाट भारततर्फ अबैध रुपमा लैजाँदै गरेको अबस्थामा १८ वटा अस्ट्रिजको बच्चा र पिकअप गाडी फेला पारेको थियो ।

फेला परेका अबैध अस्ट्रिजको बच्चा र गाडी आवश्यक कारवाहीको लागि विहीवार पशु सेवा क्वारेन्टाईन बेलहिया रुपन्देही पठाइएको प्रहरीले जनाएको छ ।