जापानको सत्तारुढ दलको निर्वाचन नजिकिदै गर्दा उम्मेद्वारी घोषणा गर्नेको संख्या ३ पुग्यो

जापान। जापानको सत्तारुढ दल लिबरल डेमोक्र्याटिक पार्टीको नेतृत्वका लागि उमेद्वारी घोषणा गर्ने प्रत्यासीहरुको संख्या तीन पुगेको छ ।

सुगा क्याबिनेटका मंत्री कोउनो तारोउले २९ तारिख हुन गैरहेको पार्टी नेर्वाचनमा नेतृत्वमा आउने चाहना ब्यक्त गर्दै उम्मेद्वारी दिने घोषणा गरेपछि प्रत्यासीहरुको संख्या ३ पुगेको हो ।

तारोउले आज टोकियोमा पत्रकार सम्मेलनको आयोजना गरि पार्टीको नेतृत्वका लागि उम्मेद्वारी दिने औपचारिक घोषणा गरेका हुन् । पार्टीका महासचिव फुमिओ किशिदा र पूर्व संचारमन्त्री ताखाइचि सानाएले यसअघिनै उम्मेद्वारी दिने घोषणा गरिसकेका छन् ।

कुनै पनि गुटमा नरहेकी ताखाइचि सानाएलाइ पूर्व प्रधानमन्त्री आबेले समर्थन गर्ने बताइसकेका छन् । फुमिओ किशिदा भने पार्टी भित्रको एउटा गुटलाई आफैले नेतृत्व गरिरहेका छन् ।

पार्टीको नेतृत्वका लागि उमेद्वारी दिने बताएका शिगेरु इशिबा भने आफ्नै गुट बाट कोउनो तारोउलाइ समर्थन गर्न पर्ने दवाव आएपछि अरु गुटका नेताहरुसँग छलफल गरिरहेका छन् । खानागावा प्रान्त बाट ८ पटक सम्म निर्वाचित भएका कोउनो तारोउ जनता माझ लोकप्रिय मानिन्छन ।

लिबरल डेमोक्र्याटिक पार्टीको नेतृत्वमा आउने ब्यक्तिनै जापानको नयाँ प्रधानमन्त्री बन्ने छ । ताखाइचि सानाए पार्टी नेतृत्वमा निर्वाचित भएको खण्डमा जापानको पहिलो महिला प्रधानमन्त्री बन्ने अवसर प्राप्त गर्नेछिन् ।

सेप्टेम्बर १७ गते नोमिनेसन दर्ता गर्ने र २९ गते मतदान गर्ने गरि निर्वाचन तालिका सार्बजनिक भैसकेको छ ।