प्रतिस्थापन विधेयक: केपी ओलीले अघि बढाएका १४ सय सडक निर्माण स्थगित

काठमाडौं । अर्थमन्त्री जनार्दन शर्माले अघिल्लो सरकारले ल्याएको बजेट परिमार्जन गर्दै प्रतिस्थापन विधेयकमार्फत प्रत्यक पालिकाको केन्द्र जोडने गरि १४०० वटा सडक योजना खारेज गरेको छ। तत्कालीन एमालेको केपी ओली नेतृत्वको सरकारले एकैपटक थालेका ती सडकमा बजेट सुनिश्चितता नभएकाले खारेज भएका हुन् ।

पूर्वाधार विकासमा पूर्वसरकारले ल्याएका देशभरका १४ सय सडक निर्माणलाई स्रोत अभावमै ल्याएको भन्दै अर्थमन्त्री शर्माले स्थगित गरिएको बताएका छन् ।

आर्थिक दृष्टिकोणले निर्माण गर्न सक्ने सडकको नक्सांकन गरेपछि निर्माण गर्न सकिने उनले  बताए ।

अर्थमन्त्रीले भने–आर्थिक प्राविधिक दृष्टिकोणबाट अध्ययन नभएका र पूर्व तयारी नभएका प्रदेश तथा स्थानीइ तहबाट कार्यन्वयन गर्न सकिने प्रकृतिका करीव १४ सय सडक आयोजना आवश्यकता र औचित्यको आधारमा खारेजी वा प्रदेश तथा स्थानीय तहमा हस्तान्तरण गर्ने गरी हाल त्यस्ता आयोजनाको कार्यन्वयन स्थगित गरेको छु ।