नेपाललाई पहिलो झट्का, ३ रन बनाएर आशिफ आउट!
नेपाल प्रेस
२०७८ भदौ २५ गते १६:२६
काठमाडौं । पपुवा न्युगिनीविरुद्ध टस जितेर ब्याटिङ रोजेको नेपालले एकदिवसीय अन्तर्राष्ट्रिय क्रिकेटमा पहिलो विकेट गुमाएको छ । ओमानको अल अमेरत क्रिकेट मैदानमा ब्याटिङ रोजेको नेपालका ओपनर आशिफ शेख ६ बलमा तीन रन बनाएर पेभेलियन फर्केका छन् ।
पहिलो खेलमा पनि नेपालका लागि ओपनिङमा आएका आशिफले ४६ बलमा ४ चौकासहित ३० रनको योगदान गरेका थिए ।
तर, आजको खेलमा भने तेस्रो ओभरको पहिलो बलमा पिएनजीका कौना भागीको बलम सेसे बाउको हातबाट क्याच आउट भए । अमेरिका र ओमानसँगको त्रिदेशीय एकदिवसीय शृंखलाका लागि ओमान पुगेको नेपालले पिएनजीसँग तयारी स्वरुप दुई एकदिवसीय खेलेको हो ।
शृंखला १३ सेप्टेम्बरदेखि सुरु हुनेछ ।
नेपाल प्रेस
प्रकाशित: २०७८ भदौ २५ गते १६:२६
प्रतिक्रिया
सम्बन्धित खवर
