झिनो अंकले बढेको नेप्सेमा ९ अर्बको कारोबार

काठमाडौं । नेप्से परिसूचक आज झिनो अंकले बढेको छ । आज ०.२७ अंकले बढ्दै २,९४७.७० विन्दुमा पुगेको छ । आज नेप्सेले ४५ अंकको उतारचढाव बेहोरेको छ ।

१ करोड ५६ लाख ८१ हजार १८४ कित्ता सेयर किनबेचमा ९ अर्ब २९ करोड ५ लाख ५४ हजार १५५ बराबर कारोबार भएको छ । आज बैंकिङ, व्यापार, होटल तथा टुरिजम, विकास बैंक, फाइनान्स, निर्जीवन बीमा र जीवन बीमा कम्पनीबाहेकका अन्य कम्पनीको सेयर मूल्य घटेको छ ।

सबैभन्दा धेरै अरुण हाइड्रोपावरको ४७ करोड कारोबार भएको छ भने अजोड इन्स्योरेन्सको कम्पनीको सेयर मूल्य आज १० प्रतिशतले बढ्यो ।