माओवादी स्थायी समिति बैठक बस्दै

काठमाडौं । सत्तारुढ नेकपा (माओवादी केन्द्र) को स्थायी समिति बैठक बोलाइएको छ । दिउँसो तीन बजे बस्ने बैठकमा सांगठानिक र समसामयिक राजनीतिक विषयमा छलफल गर्ने एजेन्डा रहेको एक स्थायी कमिटी सदस्यले जानकारी दिए।

पुसमा राष्ट्रिय सम्मेलनको तयारी गरिरहेको माओवादी केन्द्रले चार महिने संगठन विस्तार अभियान चलाइरहेको छ । त्यसको समीक्षा र आगामी रणनीतिबारे बैठकका एजेन्डा छन् ।

त्यस्तै गठबन्धन सरकारको काम कारवाही, मन्त्रिपरिषद् विस्तारमा भएको ढिलाइबारे छलफल हुने बताइएको छ ।