कांग्रेसको थप ७ जिल्लाको क्रियाशील सूची सार्वजनिक

काठमाडौं । नेपाली कांग्रेसको केन्द्रीय निर्वाचन समितिले ७ जिल्लाको क्रियाशील सदस्यताको सूची सार्वजनिक गरेको छ ।

क्रियाशील सदस्यता छानविन समितिले विवाद टुंग्याएर बुझाएका थप १० जिल्लामध्ये ७ जिल्लाको सूची वेबसाइटमार्फत सार्वजनिक गरिएको निर्वाचन समितिले जनाएको छ ।

क्रियाशील सदस्यताको सूची सार्वजनिक गरिएका जिल्लाहरूमा काठमाडौं, मोरङ, काभ्रेपलाञ्चोक, सिन्धुपाल्चोक, कपिलवस्तु, बर्दिया र बाजुरा रहेका छन् । निर्वाचन समितिमा महोत्तरी, पर्सा र धनुषा जिल्लाको क्रियाशील सदस्यता सूची पुगेपनि ती जिल्लाको सूची सार्वजनिक गरिएको छैन ।