दुबै कोरियाद्वारा केही घण्टाको फरकमा ब्यालेस्टिक मिसाइल परीक्षण

टोकियो । कोरियाली प्रायद्धीपमा आणविक हतियारको तनावलाई हटाउन कूटनीतिक प्रयासहरु जारी रहँदा दुबै कोरियाले आज ब्यालेस्टिक मिसाइल प्रक्षेपण गरेका छन् ।

केही घण्टाको फरकमा उत्तर र दक्षिण कोरियाले मिसाइलहरु परीक्षण गरेको वासिङ्टन पोस्टले जनाएको छ ।

जापानी भूमिमा समेत प्रहार गर्न सक्ने लामो दूरीको मिसाइल परीक्षण गर्ने घोषणा गरेको दुई दिनपछि उत्तर कोरियाले आज पूर्वी सामुन्द्रिक तहमा दुईवटा छोटो दूरीको ब्यालेस्टिक मिसाइल परीक्षण गरेको हो ।

केही घण्टामै दक्षिण कोरियाको जलसेनाले पनि समुन्द्रभित्र प्रहार गर्न सक्ने ब्यालेस्टिक मिसाइल परीक्षण गरेको थियो । मिसाइल परीक्षणको समयलाई संयोग भनिएपनि यी दुई परीक्षणले कोरियाली प्रायद्धीप र जापानमा तनाव सिर्जना गरेको छ ।