४४ लाख मात्रा खोप लिन निगमको जहाज आज बेइजिङ जादै

काठमाडौं । कोरोनाभाइरसविरुद्धको ४४ लाख डोज खोप लिन नेपाल वायु सेवा निगमको चाटर्ड जहाज आज चीन प्रस्थान गर्ने भएको छ । बेलुका पौन ६ बजे खोप लिन बेइजिङ जान लागेको निगमले जनाएको छ ।

खोप लिएर उक्त जहाज शुक्रबार नेपाल फर्किनेछ ।

सरकारले चीनबाट पछिल्लो पटक ६० लाख डोज खोप खरिद गरेको थियो । जसमा १६ लाख एक साता अघि नै आइसकेको छ ।

यसअघि २४ लाख कोभिसिल्ड, ७४ लाख डोज भेरोसेल, १६ लाख डोज जोन्सन एन्ड जोन्सन, १७ लाख डोज अस्ट्राजेनेका खोप आइसकेको छ ।