मुक्तिनाथ बैंकले बढायो मुद्दती निक्षेपको व्याज

काठमाडौ । मुक्तिनाथ विकास बैंकले व्यक्तिगत मुद्दती निक्षेपको व्याजदर बढाएको छ ।

बैंकले ३ महिने मुद्दतीमा हालसम्मकै सर्वाधिक १० प्रतिशत वार्षिक तथा मासिक व्याज भुक्तानी हुने गरी असोज १ देखि लागू हुने गरी निर्धारण गरेको हो ।

यसैगरी ३ महिने संस्थागत मुद्दतीमा पनि सर्वाधिक ९.५ प्रतिशत वार्षिक व्याजदर तथा मासिक व्याज भुक्तानी हुने गरी व्याजदर प्रकाशित गरेको छ ।

३ महिना अवधिको लागि वाणिज्य तथा विकास बैंकहरूले २०७८ असोज महिनाको लागि हालसम्म प्रकाशित व्याजदरमध्ये सो व्यक्तिगत तथा संस्थागत व्याजदर उच्च रहेको बैंकको भनाइ छ ।