कोरोना संक्रमणदर घट्दै, पछिल्लो २४ घण्टामा थपिए ७ सय संक्रमित
नेपाल प्रेस
२०७८ असोज ३ गते १६:४२
फाइल तस्बिर
काठमाडौं । पछिल्लो २४ घण्टामा आइतबार मुलुकमा ७ सय ३४ जना कोरोनाभाइरस संक्रमित थपिएका छन् । १० हजार १३ वटा नमूना (पीसीआर ७,३०४ र एन्टीजेन २,७०९) परीक्षण गर्दा ती संक्रमित थपिएका हुन् ।
सोही अवधिमा १२ जनाको मृत्यु भएको छ भने १४ सय १३ जना डिस्चार्ज भएको स्वास्थ्य तथा जनसंख्या मन्त्रालयले जनाएको छ ।
गत २४ घण्टामा २१ हजार ३६० जनाले कोभिड–१९ विरुद्धको खोप लगाएका छन् ।
मन्त्रालयका अनुसार हालसम्म मुलुकमा २४ हजार ३१३ जना सक्रिय संक्रमित छन् ।
नेपालमा कूल ७ लाख भन्दा बढी कोरोनाभाइरस संक्रमित छन् भने ११ हजार ४० जनाले ज्यान गुमाएका छन् ।
अहिलेसम्म आईसीयूमा ३९० जना, भेन्टिलेटरमा ११७ जना, होम आइसोलेशनमा २२,८६४ जना, संस्थागत आइसोलेशनमा १,४४९ र क्वारेन्टाइनमा २४८ जना रहेको तथ्यांकमा उल्लेख छ ।
मन्त्रालयको अनुसार नेपालमा कोरोनाभाइरसको संक्रमणदर ७.३ प्रतिशत छ भने मृत्युदर १.५ प्रतिशत छ । मुलुकमा निको हुनेको दर ९५.५ प्रतिशत छ ।
नेपाल प्रेस
प्रकाशित: २०७८ असोज ३ गते १६:४२
प्रतिक्रिया
सम्बन्धित खवर
