कावुल महानगरका महिला कर्मचारीलाई घरमै बस्न निर्देशन

एजेन्सी । अफगानिस्तानमा सत्ता कब्जा गरेका चरमपन्थी तालिबानले महिलामाथि समान व्यवहार गर्ने प्रतिबद्धता जनाएपछि एकपछि अर्को महिलाअधिकार हननको क्रम सुरु गरेको छ । राजधानी कावुल महानगरका नयाँ मेयरले आफ्ना महिला कर्मचारीलाई अर्को सूचना नभएसम्म घरमै रहन निर्देशन जारी गरेका छन् ।

मेयर हमदुल्लाह नोमनीले भनेका छन्, ‘तालिवानले महिलाहरुलाई केहि समयका लागि काममा रोक लगाउन आवश्यक सम्झिएको छ ।’ अफगानिस्तानको कट्टर इस्लामी सरकारले महिलामाथि लगाएको यो पछिल्लो प्रतिबन्ध हो ।

सन् १९९० को दशकमा सत्ता संहाल्दा पनि उनीहरुले महिलालाई शिक्षा र रोजगारमा रोक लगाएका थिए । अमेरिकी सुरक्षा फौजको फिर्तीपछि गत महिना देशको सत्ता कब्जा गरेका तालिवानीले महिला अधिकारको सम्मान इस्लामी कानूनअनुसार गर्ने बताएका थिए । तर तालीवालले उसको इस्लामी कानून शरीया कानूनअनुसारकै हुनुपर्ने पक्षमा वकालत गरिरहेको छ ।

सत्ता कब्जा गरेपछि उनीहरुले रोजगारी गरिरहेका महिलाहरुलाई सुरक्षा स्थिति सामान्य नभएसम्म घरमै रहन भनेको थियो । सरकारको विरोध गर्ने महिलाहरुमागि तालिवानी पुरुष लडाकूले दमन रिरहेका छन् ।

अफगानिस्तानको महिला मन्त्रालयलाई एउटा विभागमा परिवर्तन गरिएको छ जसले इस्लामी कानूनको अक्षरस लागू गर्न बाध्यबारी बनाउनेछ ।

अफगानिस्तानमा यसै साता माध्यमिक विद्यालय सुचारु भएको थियो । तर पुरुष छात्र र पुरुष शिक्षकलाई मात्र कक्षामा जाने अनुमति थियो । तालिवानले छात्राहरुका लागि छुट्टै विद्यालय खोल्नेतर्फ काम गरिरहेको बताएको छ ।

कावुलका मेयरका अनुसार महानगरमा रहेका ३ हजार कर्मचारीमध्ये एक तिहाई महिला छन् । उनले केहि महिला अहिले पनि काममै रहेको दावी गरे । ‘जस्तै महिला शौचालयमा महिलाहरुले नै काम गर्नेछन् । त्यहाँ पुरुष जान सक्दैनन्,’ उनले भने ।