शाखा अधिकृत परीक्षार्थीको प्रश्न- लोक सेवा कि रोक सेवा ? (तस्बिरहरू)

काठमाडौं । नतिजाको पर्खाइमा रहेका शाखा अधिकृत परीक्षार्थीले छिटो नतिजा प्रकाशन गर्नुपर्ने माग राख्दै माइतीघरमा प्रर्दशन गरेका छन् ।

सर्वोच्च अदालतको आदेशका कारण रोकिएको शाखा अधिकृतको नतिजा तत्काल सार्वजनिक गर्नुपर्ने मागसहित १ सय भन्दा बढी संख्यामा उपस्थित भएका परिक्षार्थीले सोमबार माइतीघरमा प्रर्दशन गरेका हुन् ।

‘लोकसेवा कि रोकसेवा, बन्द खामभित्रको हाम्रो भविष्य गर जस्ता प्लेकार्ड बोकेर प्रर्दशन गरेका थिए । उनीहरुले यसअघि लोकसेवा आयोगको कार्यालयमा समेत धर्नाको साथै प्रर्दशन गरेका थिए ।

लोक सेवा आयोगले पदपूर्तिका लागि लिएको परीक्षाको अन्तरवार्ता गत भदौ ८ गते सकिएको थियो । तर सर्वोच्चको आदेशको कारण देखाएर नतिजा प्रकाशन भएको छैन । झण्डै ३ सय जना भन्दा बढी अधिकृत तहको सबै परीक्षाको चरण पास गरेर नतिजाको पखाईमा छन् ।