सुरक्षा निकायका २२१ विभूषित सूचीमा, बढुवाको दुई नम्बरका लागि पदक पाउन हानाथाप

काठमाडौं । संविधान दिवस २०७८ का अवसरमा सरकारले नेपाल प्रहरीका महानिरीक्षक, सशस्त्र प्रहरीका नायव महानिरीक्षक र नेपाली सेनाका प्रधान सेनापतिसहित २२१ जना सुरक्षा निकायमा कार्यरतलाई विभूषितको सूचीमा राखेको छ ।

विभूषणका लागि सूचीमा परेका ९०३ जनामध्ये सुरक्षा निकायका २२१ जना परेका हुन् । सरक्षा निकायका तीन निकायमध्ये सबैभन्दा धेरै नेपाल प्रहरीका १२५, सशस्त्र प्रहरीका ४३ र नेपाली सेनाका ५३ जना विभूषित हुने सूचीमा परेका हु्न् ।

सशस्त्र प्रहरी महानिरीक्षकी श्रीमती पनि सूचीमा

पदकको सूचीमा नेपाल प्रहरीका महानिरीक्षक र नेपाली सेनाका प्रधान सेनापति परे पनि सशस्त्र प्रहरी बलका महानिरीक्षक परेनन् । तर महानिरीक्षककी श्रीमती सरिता कँडेलको नाम सूचीमा परेको छ ।

पदक पाउनेमा नेपाल प्रहरी महानिरीक्षकदेखि कार्यालय सहयोगीसम्म छन् । आईजीपी शैलेश थापाको नाम विभूषित हुनेमा परे पनि प्रहरीको दोस्रो तहका ६ जना प्रहरी अतिरिक्त महानिरीक्षक एआईजीपी)मध्ये एक जनाको पनि परेन ।

सुप्रबल जनसेवाश्रीबाट विभूषित हुने सूचीमा ७ जना प्रहरी नायव महानिरीक्षक (डीआईजीपी) परेका छन् । जसमा डीआईजीपी घनश्याम अर्याल, धिरजप्रताप सिंह, उत्तमराज सुवेदी, प्रकाशजंग कार्की, बसन्तकुमार पन्त, डा. मीनराज पाठक, डा. रामकृष्ण राजभण्डारी रहेका छन् ।

यस्तै सुप्रबल जनसेवाश्रीबाट विभुषित हुनेमा १३ जना प्रहरी वरिष्ठ उपरीक्षक (एसएसपी) परेका छन् । जसमा एसएसपी श्यामलाल ज्ञवाली, नरोत्तमलाल प्रधान, जनक भट्टराई, सुदिप गिरी, राजेशनाथ बास्तोला, वसन्तबहादुर कुँवर, उमेशराज जोशी, केदार ढकाल, मोहनकुमार आचार्य, पूजा सिंह, नरबहादुर केसी, डा. दामोदर पौडेल, डा. गोपेशकुमार ठाकुर छन् ।

कीर्तिमय राष्ट्रदीप तथा प्रबल जनसेवाश्रीबाट ९ जना प्रहरी उपरीक्षक (एसपी) विभुषित हुने सूचीमा छन् । जसमा रमेश थापा, प्रकाश रानाभाट तथा प्रबल जनसेवाश्रीबाट प्रहरी उपरीक्षक (एसपी) उमाप्रसाद चतुर्वेदी, बेलबहादुर पाण्डे, गोपालचन्द्र भट्टराई, रबिन्द्र रेग्मी, प्रकाश मल्ल, अच्युतबिक्रम हमाल, बिपिनकुमार श्रेष्ठ रहेका छन् ।

प्रबल जनसेवाश्रीबाट १४ जना प्रहरी नायव उपरीक्षक (डीएसपी) विभुषित हुने सूचीमा छन् । जसमा डीएसपी काजीकुमार आचार्य, नरेशराज सुवेदी, रामबाबु राना, सुधिरराज शाही, गोविन्द पुरी, हरिहरनाथ योगी, विरेन्द्र गोदार, रविन्द्रनाथ पौडेल, चक्रराज जोशी, संजिवबाबु खड्का, शिवराज बुढाथोकी, सन्तोष निरौला, अनिलकुमार घिमिरे, भेषराज रिजाल रहेका छन् ।

प्रबल जनसेवाश्रीबाटै विभुषित हुने सूचीमा ७ जना प्रहरी निरीक्षक (इन्सपेक्टर), ४ जना प्रहरी नायव निरीक्षक (सई), ३ जना प्रहरी सहायक निरीक्षक (असई), ३ जना हवल्दार र एक जना प्रहरी जवान रहेका छन् ।

जसअन्तरगत इन्सपेक्टरमा उपेन्द्र खरेल, आयुशप्रसाद जोशी, अनिशकुमार कर्ण, भिषणबाबु राई, एजिला गिरी, राजेन्द्रप्रसाद उपाध्याय, श्रीबिन्दु शर्मा, प्रहरी नायव निरीक्षक (सई) शरण शाह, धर्मराज शाही, दिलिपसिंह अधिकारी, कृष्ण खड्का, प्रहरी सहायक निरीक्षक (असई) तपेन्द्रबहादुर बिष्ट, रोजनप्रसाद राजवंशी, प्रमिला श्रेष्ठ, प्रहरी हवल्दार लेखबहादुर गुरुङ, सुमित्रा शाही, माधवबहादुर बस्नेत, प्रहरी जवान अमरराज मिश्रको नाम परेको छ ।

अलंकार अन्तर्गत राष्ट्र यशोवद्र्धकबाट ४ जना प्रहरी उपरीक्षक (एसपी), ६ जना प्रहरी नायव उपरीक्षक (डीएसपी), ११ जना प्रहरी निरीक्षक (इन्सपेक्टर) रहेका छन् । जस अन्तर्गत एसपीमा डिल्लीराज पन्त, भिम दाहाल, कृष्ण पंगेनी, हिमालय श्रेष्ठ, डीएसपीमा शोभाकान्त खनाल, सुवास खड्का, रोशन खड्का, निरञ्जनदत्त भट्ट, डिल्लीनारायण पाण्डे, मुकुन्दप्रसाद रिजाल, इन्सपेक्टरमा यमकुमार श्रेष्ठ, नविनकुमार अधिकारी, धमनसिंह राना, शरण महर्जन, हिरेन्द्रबहादुर रोकाया, महेश केसी, कृष्णप्रसाद विष्ट, लक्ष्मी खनाल, उमाशंकरप्रसाद शाह, शंकर पोखरेल, राधा बिष्ट रहेका छन् ।

नेपाल प्रताप आभूषणमा एक जना एसपी र एक जना डीएसपी, एक जना इन्सपेक्टर, १३ जना सई र ७ जना असई रहेका छन् । एसपीमा नरेशबहादुर मल्ल, डीएसपीमा पंचकुमार बाखु, इन्सपेक्टरमा अनिलकुमार अधिकारी, सईमा बिष्णुमणि त्रिपाठी, भवती अर्याल, रेवतकुमार पोखरेल, रविन शाह, रोशन अधिकारी, हिमाल भण्डारी, नरेश शाही, रमेश बजगाई, लक्ष्मणबहादुर ऐर, बिशालविक्रम शाह, विशालप्रकाश पौडेल, हर्षबहादुर चन्द, लक्ष्मी देवकोटा, असईमा प्रेमप्रसाद राना, श्यामसिंह चौधरी, विकास क्षेत्री, अजित ठाकुर, तिलक पुरी, सुजन पाण्डे, टंक कार्की रहेका छन् ।

नेपाल प्रताप भूषणको सूचीमा ७ जना प्रहरी हवल्दार र ८ जना प्रहरी जवान रहेका छन् । ७ जना प्रहरी हवल्दारमा विजयकुमार दास, केदारनाथ यादव, विष्णुबहादुर श्रेष्ठ, मानसिंह ठगुन्ना, राजेश गुरुङ, बाबुकृष्ण बखते, गभ्मिरबहादुर चन्द रहेका छन् भने ८ जना प्रहरी जवानमा सुनिता विक, परिक्षीत कार्की, मनोज दंगाल, बालकृष्ण मघैया, शान्ति चौधरी, विपिसा गुरुङ, महेन्द्रसिंह भण्डारी, भुवन गुरुङ रहेका छन् ।

पदक अन्तर्गत राष्ट्रसेवा पदक प्रथम श्रेणीमा एक जना प्रहरी कार्यालय सहयोगी सूर्यकुमारी अधिकारी रहेकी छन् भने सुकीर्ति पदकमा एक जना प्रहरी सहायक निरीक्षक (असई) जुनी राई, बिरता पदकमा दुई जना प्रहरी नायव उपरीक्षक (डीएसपी) स्वर्गीय समिरचन्द्र खरेल, स्वर्गीय राजकुमार केसी रहेका छन् ।

सूचीमा सशस्त्र प्रहरीका दुई डीआईजीपी, एक एसएसपी, १३ एसपी र ८ डीएसपी

सशस्त्र प्रहरी बलमा एक प्रहरी नायव महानिरीक्षसहित (डीआईजीपी)देखि परिचरसम्म गरेर ४३ जना विभूषित हुने सूचीमा परेका छन् । विवरण अनुसार नेपाल प्रहरीमा, प्रहरी महानिरीक्षक (आईजीपी) र ७ जना प्रहरी नायव महानिरीक्षक (डीआईजीपी) को नाम पर्दा सशस्त्र प्रहरी बलमा भने विभूषित हुने सूचीमा २ जना डीआईजीपीको नाम मात्र पर्न सफल भएको छ ।

जसमा सुकीर्तिमय राष्ट्रदीपबाट डीआईजीपी राजु अर्याल र सुप्रबल जनसेवाश्री डीआईजीपी नारायणदत्त पौडेल पाउने सूचीमा छन् । सुप्रबल जनसेवाश्री पाउने सूचीमा एकजना प्रहरी वरिष्ठ उपरीक्षक (एसएसपी) डा. रुपक महर्जनको नाम मात्रै परेको छ भने कीर्तिमय राष्ट्रदीपमा प्रहरी उपरीक्षक (एसपी) दिपेन्द्र कुँवर (ख)को नाम परेको छ ।

प्रबल जनसेवाश्रीबाट विभूषित हुने सूचीमा ९ जना एसपी ६ जना प्रहरी नायव उपरीक्षक (डीएसपी), ४ जना प्रहरी निरीक्षक (इन्सपेक्टर) र एक जना प्रहरी नायव निरीक्षक (सई) रहेका छन् ।

जसअन्तरगत एसपीमा बिष्णुदत्त भट्ट, शंकर खनाल, हर्कराज पन्त, ध्रुव कार्की, निरकृष्ण अधिकारी, कमलप्रसाद तिउसीना, मनोरञ्जन द्धा, रोस्सु थापा, सौजन्य कर्माचार्य रहेका छन् । यस्तै डीएसपीमा रमेशविक्रम शाही, दिनेश शर्मा, धिरेन्द्रराज न्यौपाने, शेरबहादुर अधिकारी, सुर्यप्रसाद तिमिल्सिना, लक्ष्मी अधिकारी रहेका छन् । इन्सपेक्टरमा रामहरी श्रेष्ठ, सन्तोषकुमार चन्द, नारायण गुरुङ, रामकुमार लामिछाने र सईमा कृतिबहादुर बस्नेत रहेका छन् ।

अलंकार अन्तर्गत राष्ट्र यशोवद्र्धकबाट ३ जना एसपी, २ जना डीएसपी र ७ जना इन्सपेक्टर रहेका छन् । जस अन्तर्गत एसपीमा देवराज जोशी, सुधिरजंग थापा, विश्वकुमार भट्टराई, डीएसपीमा होमनाथ पन्थी, बिष्णुदत्त भट्ट र इन्सपेक्टरमा टेकराज पोखरेल, बामदेव पण्डित, स्वगीय नविन बुढाथोकी, योगेन्द्रचन्द्र बराल, ओमराज बानियाँ, रविन्द्रप्रसाद भट्ट, सुरज पाण्डे विभूषित हुने सूचीमा छन् ।

यस्तै नेपाल प्रताप भूषणमा एक जना प्रहरी बरिष्ठ हवल्दार शेरसिंह थारु, पदक अन्तर्गत राष्ट्रसेवा पदक प्रथम श्रेणीमा २ जना प्रहरी परिचर देवन नेपाली र प्रविन पोडे रहेका छन् । सुकीर्ति पदकमा ३ जना जवान संगिता बस्याल, लक्ष्मण तामाङ, सोनी गुरुङ र एक जना गनर बिमला चौधरी रहेका छन् ।

नेपाली सेनामा ३ उपरथिदेखि १० प्रमुख सेनानीसम्म विभूषित हुने

नेपाली सेनामा प्रधान सेनापति (महारथि)देखि सिपाहीसम्म गरी ५३ जना विभूषित हुने सूचीमा परेका छन् । जसमा मानपदवी अन्तर्गत प्रसिद्ध प्रबल जनसेवाश्री पदक प्रधानसेनापति (महारधि) प्रमुराम शर्माको नाम विभूषित हुने सूचीमा छ ।

यस्तै सुप्रबल जनसेवाश्री प्राप्त गर्नेमा ३ जना उपरथि रहेका छन् । जसमा निरञ्जन श्रेष्ठ, गोकुल भण्डारी र सञ्जय थापा रहेका छन् । यस्तै सुप्रबल जनसेवाश्री प्राप्त गर्नेमा नै ६ जना सहायक रधि रहेका छन् । जसमा बिनोद पाण्डे, निरज पौडेल, विष्णु राउत, नारायण सिलवाल, दिपकप्रसाद बास्तोला र डा. इभा श्रेष्ठको विभूषित हुने सूचीमा नाम छ ।

सुप्रबल जनसेवाश्री प्राप्त गर्ने सूचीमा नै ४ जना महासेनानीको नाम पनि छ । जसमा माधव थापा, सुनिलसिंह राठौर, ईश्वरकुमार श्रेष्ठ र डा. सुमनराज डंगोल रहेका छन् ।

प्रबल जनसेवाश्रीमा ७ जना प्रमुख सेनानीको नाम उल्लेख छ । जसमा प्रमोदकुमार थापा, दिग्बिजय शाह, मिनराज तिवारी, विकास केसी, अनिल केसी, नवराज थापा, अदित्य कार्की रहेका छन् । यस्तै प्रबल जनसेवाश्री नै प्राप्त गर्नेमा एक जना प्रमुख सुवेदार सुनिल गुरुङ, एक जना सुवेदार सुजित राना र एक जना जमदार निरज पुडासैनी रहेका छन् ।

अतिपौरख भाष्करमा एक जना महासेनानी नुरेन्द्र मल्ल, ३ जना प्रमुख सेनानी अमरजंग थापा, गजेन्द्र रावल र अर्जुनविक्रम थापा, एक जना सेनानी प्रविन थापा, २ जना सहसेनानी विज्ञान विष्ट र भिमबहादुर भुजेल रहेका छन् ।

महापौरख भाष्कर प्राप्त गर्नेमा सेनानी भानुभक्त कँडेल, सहसेनानी सन्तोष दाहाल र जमदार देवबहादुर कार्की रहेका छन् । सगरमाथा पदकमा २ जना सेनानी शिवबहादुर अधिकारी र मुरारी सापकोटा, एक जना सहसेनानी अर्जुन खत्री, एक जना हुद्धा प्रकाश कार्की र एक जना प्युठ सन्तोष गुरुङ रहेका छन् ।

वीरता पदकमा एक जना सेनानी मनोज डंगोल, एक जना सुवेदार विष्णुबहादुर मिश्र, एक जना जमदार राजेशकुमार थापामगर र एक जना अमल्दार राजेन्द्र श्रेष्ठ रहेका छन् । विकास रत्न पदकमा भने एक जना मात्रै सेनानी मिलन कार्कीको नाम परेको छ ।

प्राकृतिक प्रकोप पीडितोद्धार पदक पाउनेमा जमदार दिपक कार्की, धिरेन्द्र यादव र प्रकाश राउत, हुद्धा लंकमान तामाङ र दानसिंह राउत, अमल्दार नेमराज चौधरी, प्युठ जिल्लाप दोर्जे र रामबहादुर नेपाली तथा सीपाही मिनाकुमारी धामी रहेका छन् ।

बढुवामा दुई नम्बरको लोभले पदकका लागि हानाथाप

नेपाल प्रहरी, सशस्त्र प्रहरी बल र नेपाली सेनाको बढुवामा पदकबापत दुई नम्बर पाउने नियम छ । पूर्वगृहसचिव समेत रहेका तत्कालीन लोकसेवा आयोगका अध्यक्ष उमेश मैनालीका अनुसार निजामति सेवाको तुलनामा सुरक्षा निकायमा विभूषण सिफारिसका लागि हरेक वर्ष हानाथाप हुने गरेको छ ।

उनले भने, ‘पहिले निजामति सेवामा पनि विभूषित भएपछि बढुवामा नम्बर दिइने व्यवस्था थियो । नम्बर पाउनका लागि भए पनि विभूषित हुनका लागि हानाथाप भएपछि त्यो व्यवस्था हटाइएको हो । अहिले नेपाल प्रहरी, सशस्त्र प्रहरी र सेनामा यो कामयै रहेकाले हानाथाप हुने गरेको छ ।’

सरकारले संविधान दिवसको अवसरमा आइतबार नौ सय तीन जनालाई २५ किसिमका विभूषणबाट सम्मान गर्ने घोषणा गरेको हो ।