कोरोना र निपाहा भाइरसबाट जोगिएर दशैं मनाउन स्वास्थ्य मन्त्रालयको आग्रह

काठमाडौं । स्वास्थ्य राज्यमन्त्री उमेश श्रेष्ठले निपाह भाइरस र कोरोनाभाइरसको दोहोरो संक्रमण बढेको हुनाले दशैैं लगायतका चाडपर्वहरु मनाउँदा सर्तकता अपनाउन आग्रह गरेका छन् ।

ट्वीटरमार्फत उनले स्वास्थ्य मापदण्ड अपनाउँदै चाडपर्व मनाउन पनि भनेका छन् । साथै कोभिड–१९का नयाँ संक्रमितहरूको संख्या केही कम भएपनि जोखिम कायमै भएको समेत बताएका छन् ।

भारतमा निपाह भाइरस संक्रमण देखिएपछि स्वास्थ्य मन्त्रालयले विज्ञप्ति जारी गर्दै थप सर्तकता अपनाउन आग्रह गरेको थियो ।

हालसम्म नेपालमा १० वटा जिल्लामा ५०० भन्दा बढी संक्रमित छन् भने २० वटा जिल्लामा २०० भन्दा बढी संक्रमित रहेको स्वास्थ्य मन्त्रालयले जनाएको छ ।