पाँच दिनभित्र माग सम्बोधन गर्न लगानीकर्ता र बोर्डबीच सहमति

काठमाडौं । केहीदिनदेखि आन्दोलन गर्दै आएका लगानीकर्ता र धितोपत्र बोर्डबीच सहमति भएको छ । राष्ट्र बैंकले शेयर धितो कर्जामा १२ करोडका सीमा राखेपछि लगानीकर्ता आन्दोलित बनेका थिए ।

धितोपत्रबोर्डको कार्यलय अघि आन्दोलन गर्दै आएका पूँजीबजार सुधार संघर्ष समिति र धितोपत्रबीच हिजो राति सहमति जुटेको हो । समितिले पेश गरेको मागलाई ५ दिनभित्र नियमअनुसार अघि बढाउने बोर्डले आश्वसन दिएको छ ।

समितिका संयोजक रोहन कार्कीले यो सहमति अन्तिम नभएको तर बोर्डले आफ्ना माग पूरा गर्न काम अघि बढाउने विश्वास रहेको बताएका छन् । संर्घष समितिले अर्थमन्त्री जनार्दन शर्मा र राष्ट्र बैंकका गभर्नरको राजिनामा माग गर्दै आन्दोलन गरेका थिए ।