महाप्रबन्धकको विशेषाधिकारबाट निगमका कर्मचारीको तलब भत्ता सोमबारदेखि भुक्तानी
नेपाल प्रेस
२०७८ असोज ८ गते १९:०४
काठमाडौं । कर्मचारी आन्दोलनका कारण साउनदेखिको तलब समेत वितरण हुन नसकेको नेपाल वायु सेवा निगममा सोमबारदेखि तलब भत्ता भुक्तानी हुने भएको छ ।
पर्यटन मन्त्रालयसँगको छलफलपछि महाप्रबन्धक डिमप्रकाश पौडेलले आफूमा रहेको विशेषाधिकार प्रयोग गरि हालसम्मको सम्पूर्ण तलब भत्ता भुक्तानी दिने निर्णय गरेका हुन् ।
आन्दोलनका कारण सञ्चालक समिति बैठक बसेर बजेट पारित नभएका कारण तलब बितरण हुन सकेको थिएन । आन्दोलनकारी कर्मचारीले गत बुधबार अर्थ विभाग नियन्त्रणमा लिएर चेक काट्न दबाब दिएका थिए ।
महाप्रबन्धक पौडेलले वार्ताको माध्यमबाट समस्या समाधानका लागि फेरि पनि आन्दोलनकारी कर्मचारीलाई आग्रह गरेका छन् ।
नेपाल प्रेस
प्रकाशित: २०७८ असोज ८ गते १९:०४
प्रतिक्रिया
सम्बन्धित खवर
