पोखरामा पाँच प्रत्यासी हराउँदै विजुक्छे कांग्रेस सभापतिमा विजयी, कास्कीका अरु स्थानीय तहमा को आए ?

पोखरा । नेपाली कांग्रेसको पोखरा महानगर सभापतिमा सुरेन्द्रमान विजुक्छे विजयी भएका छन् ।

पार्टीको १४ औं महाधिवेशनअन्तर्गत शनिबार भएको मतदान र आइतबार सम्पन्न मतगणनामा सभापतिका पाँच प्रत्यासीलाई पराजित गर्दै विजुक्छे सभापतिमा निर्वाचित भएका हुन् । विजुक्छेले ४१४ मत पाए ।

मतदानमा १३ सय ४४ मत खसेको थियो । उनका निकटम् प्रतिस्पर्धी गंगाधर पराजुलीले ३४६ मत प्राप्त गरे । सभापति पदका उम्मेदवार रामराज लामिछानेले २०९ मत, मिलन तिवारीले १५०, मोहन बाँस्तोलाले १२६ र ज्योति हमालले ११ मत प्राप्त गरिन् ।

यसैगरी उपसभापतिमा प्रयागराज भण्डारी र भवसागर बराल निर्वाचित भएका छन् । भण्डारीले ५६९ मत र बरालले ४६४ मत प्राप्त गरेका छन् ।

त्यस्तै सचिवमा टुवराज बाँस्तोला ८५८ मत र गणेशबहादुर थापा ७८४ मतका साथ विजयी भएका छन् भने सहसचिवमा संघर्ष कोइराला ५८० र सञ्जय आलेले ५६५ मत प्राप्त गरी विजयी भएका छन् ।

कास्कीका ४ गाउँपालिकामा शुक्रबार नै नयाँ नेतृत्व चयन भएको थिए । तीमध्ये २ वटामा सर्वसम्मत र २ वटामा निर्वाचन भएको हो ।

रुपा र अन्नपूर्ण गाउँपालिमामा शुक्रबार नै सर्वसम्मत रुपमा कार्यसमिति चयन भएको थियो । पोखरा महानगरपालिकासहित माछापुच्छ्रे र मादी गाउँपालिकामा शनिबार चुनाव भएको हो ।

रुपामा विमलबाबु न्यौपानेको सभापतित्वमा सर्वसम्मत नेतृत्व चयन भए । अन्नपूर्णको नेतृत्वमा मनपति भण्डारी चुनिए ।

मादी गाउँपालिका अध्यक्षमा मात्र १ मतअन्तरले यामबहादुर गुरुङ निर्वाचित हुन सफल भए ।

माछापुच्छ्रे गाउँपालिकामा वीरेन्द्र गुरुङ सभापतिमा निर्वाचित भएका हुन् ।