लोमस र क्यूमेडको औषधि गुणस्तरहिन पाइएपछि विक्री वितरण रोक्न विभागको निर्देशन

काठमाडौं । दुई औषधि उत्पादक कम्पनीका औषधि न्यून गुणस्तर पाइएपछि विक्री वितरणमा रोक लगाउन औषधि व्यवस्था विभागले निर्देशन दिएको छ । विभागले बजार अनुगमनका क्रममा संकलन गरेको नमुना परीक्षण गर्दा क्यूमेड फर्मुलेसन प्राली र लोमस फर्मास्युटिकल्स प्रालीले उत्पादन गरेका औषधि न्यून गुणस्रको पाइएको जनाएको हो ।

क्यूमेडको लेभोसेफ (५०० ९लोभोफ्लोक्सासिन ५०० एमजी ट्याबलेट्स) नामको औषधि र लोमसको जेफिक्स (१०० ९सेफिक्सिम १०० एमजी डिस्प्रेसिवल ट्याब्लेट्स) नामका औषधि न्यून गुणस्तरको फेला पारेको हो। क्यूमेडको लेभोसेफ (५०० औषधिको ब्याच नम्बर एलभिटी ११०१७ र लोमसको जेफिक्स) १०० को ब्याच नम्बर जेडएक्स २२० मा समस्या देखिएको हो।

विभागले यी दुई औषधिलाई बजारमा विक्री वितरणका लागि रोक लगाउन कम्पनीहरुलाई निर्देशन दिएको छ । यी दुबै औषधि एन्टिबायोटिक्स हुन्।