विराटनगरविरुद्ध अज्मतुल्लाहको अर्धशतक, विशाल योगफलतर्फ ललितपुर

काठमाडौं । एभरेष्ट प्रिमियर लिग (ईपीएल) अन्तर्गत शुक्रबार त्रिवि क्रिकेट मैदानमा टस हारेर ब्याटिङको निम्तो पाएको ललितपुरका लागि अज्मतुल्लाह ओमारजाईले अर्धशतक बनाएका छन् ।

पाँचौँ नम्बरमा ब्याटिङमा क्रिजमा उत्रिएका ओमारजाईले २० बलमा ६ छक्कासहित शानदार अर्धशतक बनाएका हुन् । यसअघि ललितपुरका लागि सान्दुन विराक्कोडीले पनि ७३ रनको अर्धशतकीय इनिङ खेलेर पेभेलियन फर्केका थिए ।

दुई विदेशी खेलाडीको शानदार इनिङमा ललितपुरले यो संस्करणकै ठूलो योगफलतर्फ इनिङ लम्काएको छ । अहिले १८.२ ओभर सकिँदा ४ विकेट गुमाएरु १९४ रन बनाइसकेको छ ।