पछिल्लो साता युट्युवमा सर्वाधिक हेरिएका दश नेपाली गीत (सूचीसहित)

काठमाडौं । एक महीनाभन्दा बढी समयदेखि युट्युवमा गायिका विष्णु माझीको दबदबा देखिएको छ । तीज सुरु हुनु अघिदेखि उनीद्वारा स्वरबद्ध गीत ‘चरी जेलैमा’ लगातार एक महीनासम्म युट्युवमा सर्वाधिक हेरिने गीतको सूचीको पहिलो स्थानमा थियो । अहिले भने माझीको उक्त गीतलाई उछिन्दै उनकै नयाँ गीत दशैं आइसक्यो पछिल्लो साता सर्वाधिक हेरिने गीतको शीर्षस्थानमा उक्लिएको छ ।

दशैं आइसक्यो बोलेको गीतलाई पछिल्लो एक सातामा १७ लाख ३१ हजार ८४५ पटक हेरिएको छ भने कूल भ्यूज २९ लाख ५३ हजार ५१८ छ ।

माझीकै स्वरमा रहेको तीज गीत ‘चरी जेलैमा’ दोस्रो शीर्ष स्थानमा झरेको छ । पछिल्लो साता यो गीतलाई १३ लाख ६४ हजार ३४७ पटक हरिएको छ भने कूल भ्यूज संख्या २ करोड ५२ लाख भन्दा बढी छ ।

टंक बुढाथोकीको स्वरमा रहेको ‘दसैं आयो’ तेस्रो स्थानमा परेको छ । यो गीतलाई एक सातामा मात्र १२ लाख ६८ हजार ९६२ पटक हेरिएको छ भने कूल भ्यूज संख्या १२ लाख ६८ हजार ९६२ छ । रुटिन अफ नेपाल बन्दले तयार पारेको सूचीमा दशैं गीतहरुको दबदबा देखिएको छ । हेर्नूस गीत :

१) विष्णु माझी ‘दसैं आइ सक्यो’ : १७,३१,८४५

२) विष्णु माझी ‘चरी जेलैमा’ : १३,६४,३४७

३) टंक बुढाथोकी ‘दसैं आयो’ : १२,६८,९६२

४) सञ्जु मोक्तान ‘लाखौं हजारौं’ : ११,७३,४९०

५) रचना रिमाल र रोश राज भट्टराई ‘भन साइला’ : ९,७७,४२२

६) प्रकाश सपूत ‘कुरा बुझ्नु पर्च’ : ८,५८,१५४

७) प्रमोद खरेल ‘भुपु माया–४’ : ८,४९,३३४

८) महेश काफ्ले ‘माया बिरानी–२’ : ६,७२,४६८

९) डीआर सुजन ‘परदेशी काइलो’ : ६,६३,४१३

१०) निकिता थापा ‘तिम्रो मनमा ए कान्छा’ : ५,५९,०१९