ईपीएलः ललितपुरले दियो चितवनलाई १०९ रनको झिनो लक्ष्य

काठमाडौं । एभरेष्ट प्रिमियर लिग(ईपीएल)मा ललितपुर प्याट्रियट्सले चितवन टाइगर्सलाई १ सय ९ रनको झिनो लक्ष्य दिएको छ ।

कीर्तिपुरपस्थित त्रिवि क्रिकेट मैदानमा जारी प्रतियोगितामा टस जितेर ब्याटिङ रोजेको ललितपुरले निर्धारित २० आभरमा ९ विकेट गुमाएर १ सय ८ रनको योगफल तयार गरेको थियो ।

चौथो ओभरमा चार विकेट गुमाएको ललितपुरका लागि जयकिशान कोल्सावालले ३३ बलमा २ चौका र ३ छक्कासहित सर्वाधिक ४२ रन बनाएका थिए । ओपनर सान्दुन विराकोडि ९ बलमा १४ रन र कुशल भुर्तेल १ रनमा पेभिलियन फर्किए ।

त्यस्तै सुर्य तामाङ ११ र ललित नारायण राजवंशि ९ रनमा अविजित रहँदा बाँकि कुनै ब्याट्सम्यानले उल्लेख्य प्रदर्शन गर्न सकेनन् । चितवनको बलिङ्मा कमल एरिले ४ ओभरमा २४ रन खर्चिदै सर्वाधिक ३ विकेट लिए । साहब अलाम १ तथा कारिम जनत र सागर ढकालले समान २ विकेट लिए ।