नेपाल इन्भेष्टमेन्ट बैंकद्वारा लाभांश घोषणा
नेपाल प्रेस
२०७८ असोज १८ गते ११:५२
काठमाडौं । नेपाल इन्भेष्टमेन्ट बैंकले १६ प्रतिशत लाभांश घोषणा गरेको छ । हिजो बसेको बैंक संचालक समितिको बैठकले लाभांश प्रस्ताव गरेको हो ।
१६ प्रतिशतमध्ये ११.२४ प्रतिशत बोनस सेयर र कर प्रयोजनसहित नगद लाभांश ४.७६ प्रतिशत घोषणा गरिएको छ । बोनस सेयरवापत १ अर्ब ८२ करोड र नगद लाभांश ७७ करोड ३८ लाख गरी कुल २ अर्ब ५९ करोड ३८ लाख लाभांश दिने तयारी बैंकको छ ।
नेपाल राष्ट्र बैंकको अनुमति र बैंकको साधारणसभाले लाभांश प्रस्ताव पारित गरेपछि लगानीकर्ताले लाभांश प्राप्त गर्नेछन् ।
हिमालयन बैंक र इन्भेष्टमेन्ट बैंकबीच मर्जर सम्झौताका कारण नेप्सेमा करिब ५ महिनादेखि यी दुवै बैंकको कारोबार रोकिएको छ ।
नेपाल प्रेस
प्रकाशित: २०७८ असोज १८ गते ११:५२
प्रतिक्रिया
सम्बन्धित खवर
