बाजुरामा देउवा र पौडेलका उम्मेदवार दोस्रो चरणमा भिड्दै
नेपाल प्रेस
२०७८ असोज २१ गते ११:३१
बाजुरा । नेपाली कांग्रेस बाजुराको सभापति चयनका लागि पुनः मतदान हुने भएको छ । पहिलो चरणको निर्वाचनमा कुनैपनि उम्मेदवारले ५० प्रतिशतभन्दा बढी मत ल्याउन नसकेपछि आजै दोस्रो चरणको मतदान हुन लागेको हो ।
सभापतिमा संस्थापन पक्षका उम्मेदवार कविराज पण्डितले ४ सय ८९ र संस्थापनइतर समूहका रामसिंह रावलले ४ सय ७४ मत ल्याएका छन् । अर्का उम्मेदवार चक्रबहादुर शाहले १ सय ५२ मत ल्याए ।
कुल १ हजार २ सय ७ मत खसेकोमा कसैलेपनि ५० प्रतिशत मत कटाउन सकेनन् । दोस्रो चरणमा पण्डित र रावलबीच प्रतिस्पर्धा हुनेछ ।
निर्वाचन समितिले १ बजेपछि दोस्रो चरणको मतदान सुरु हुने जनाएको छ ।
नेपाल प्रेस
प्रकाशित: २०७८ असोज २१ गते ११:३१
प्रतिक्रिया
सम्बन्धित खवर
